انت تافهه يلا؟

انا اكتشفت مؤخراَ إن الأنجليزى مش جايب همه و إن الناس بتتحمس أكتر للمواضيع المكتوبه بالعربى، أنا شخصياَ كده فقررت إن لغتنا الأم أولى بالنشر فى هذا البلوج اللعين بمعنى (للعندهم مشاكل فى الفهم السريع -خاصتاً صحابى)  إن البلوج ده كله بالعربى ، إلا

.طبعا لو واجهتنى صعوبه فى التعبير عن بعض الكلمات ف عدوهالى نو بروبليم.

نيجى بقى للزتونه ,الفوله و الكريزه ال على التورته .. احنا عايشين ليه ؟ طبعا هتقولوا 
ايه البت المتخلفه دى و اقفل ياعم ام المازارفاكر تاب ده بس حيلك حيلك..

فى ناس هتقولك يعنى ايه عايش ليه ؟ اكيد اشتغل و اتجوز و اخلف و يبقى عندى اسره و خلاص على كده السلام عليكم

واحده تانى هيقول عشان انزل و اخرج و اتبصت و اعرف بنات و اعيش حياتى

 واحده تانيه هتقولك عشان يبقى عندى بيت و جوز اخدمه و جو سى السيد ده ..

فى ناس بجد عايشه عشان تاكل بس او تأكل اولادها بس او تعدى اليوم بيومه بالعافيه او 
يعدى اليوم و مايموتش بس ..متخيلين ؟ و انت العايز تتجوز و تعرف بنات و تسافر و تعيش و فى ناس عايشه حواليك نفسها بس تسيرڨايف ذا داى ..

بتحس ان حياتك صعبه اوى و هى اسهل حاجه على وجه الارض مقارنتاً بتاس 
بتمر بزلازل و فياضانات و براكين و مشاكل انيل من  مشكله سيادتك بمراحل عياط يعنى .

التتخانق مع صاحبها تحسسك ان الزمن وقف و ان القيامه قامت 

 و ال ابنه عايز كتاب خاريجى غالى شويه الدنيا تقفل ف وشه 

و النفسه باباه يزودلو مصروفه 50 جنيه عشان يعرف يخرج صاحبته 

ايه يا جماعه ده ؟ انا لو قعدت اديكوا فى امثله تافهه للصبح مش هنخلص

بس ايه المغزى فى كل الرغى ال انا قلته ده ؟ 

 انا نفسى معرفش ..معنديش هدف معين من الكلام ده لاكن الموضوع ده مستفزنى جدا فكرة ان الناس معندهاش ادنى انواع الجراتتيود او ال قناعه و الرضى , و ان الطمع فى الاكتر بقى شئ طبيعى و مبقاش حد فينا بيستغرب لما نشوف حد كده 

مجتمعنا مليان عيوب و اهمها ان الناس عندها نقص حتى لو معندهاش فاهمين حاجه ؟؟ طبعاً لأ

ابسطهالك 

واحد الحمد لله والله اكبر عشان اياً كان يعنى منحسدهوش ..عنده كل حاجه ربنا مديه 

اكتر من غيره بش مش مصاحب

 ! شفته اد ايه الحاجه النقصاه تافهه بس يا عين امه بيبتدى يتعامل اكنه عنده نقص فشيخ يعنى مش لاقى ياكل مثلاً طب ليه يا حبيبى كده لو على البنات خير ربنا كتير ..ليه دخلت فى موود النقص و الاحباط و يبتدى يقول على نفسه فوريڨار الوون و اڨورة الشباب بتاع اليومين دو البيقعد يحكًى فى المحكى

يا صديقى مشكلتك تافهه جدا و فى رجاله بيفكروا إزاى يقتلوا مراتتهم و بيتهيألى دى 

مشكله اكبر من ال انت فيها بطريقه هائلة الانتحار 

واحد برضه اخونا و ربنا مديه كل حاجه و مش عاجبه عشان عربيته موديل السنه الفاتت و ان ازاى صاحبته تغير عربيتها و تجيب عربيه موديلها اجدد منه ميصحش يا عيب الشوم قيموا عليها الحد يا جماعه 

يا حبيبى اهدا على نفسك شويه بكره تفركشوا و يتردلك اعتباراك 

احب اقولك ان زى ما انت تافهه و كل تفكيرك لفوق و مش بتبص ان زى ما فى ناس احسن منك فى ناس مش لاقيين 1 على تريليوون ال عندك وانك لو جربت تحمد ربنا على امك و ابوك ال انت بتشفهم 3 دقايق فى الاسبوع و اختك ال انت هاريها نفخ و قارفها فى عشتها و اخوك ال انتوا الاتنين مبتعبروش بعض حتى لو شفته بعض بره كل ده 

مش هرى ملوش لزمه او مش كلام بملى بيه البلوج دى حاجات نفسى اقولها و نفسى انا و كل الناس تعملها و طبعا لو قلت كده قدام صحابى ال مفيش حد فيهم عاجبه حاله و كله بيتمنا عيشة التانى طبيعى رد فعلهم يكون تريقه و انا مش بهرب من التريقه بس بهرب من الجدال و النقاش و المقاوحه عشان كده بكتب الكلام ده هنا و بقفل صديقى العزيز الاب توب و بنام و انت ك قارئ تاخد جرعه الكلام و يتعجبك و تاثر في يا بيه يا يكون كلام عينيك عدت عليه و فاتته زى اى حاجه عينيك بتعدى عليها فى الشارع و مش بتلفت نظرك..